Rubavu Technical College yatangaje ko iyandikwa ry’abanyeshuri bashya ryatangiye, isaba urubyiruko n’abandi bifuza kwiga imyuga n’ubumenyi ngiro gukoresha aya mahirwe bagahitamo amasomo abategurira ejo hazaza heza. Muri iki gihe aho ubumenyi ngiro bukomeje kugira uruhare rukomeye mu gufasha urubyiruko kubona akazi no kwihangira imirimo, kwiga umwuga ni imwe mu nzira zifasha umunyeshuri kugira ubushobozi bwo gushyira mu bikorwa ibyo rwize. Rubavu Technical College ikomeje gutanga amahirwe ku bifuza kugira ubumenyi ngiro bushobora kubafasha mu kazi, mu gutanga serivisi no mu kwihangira imirimo. Muri uyu mwaka, abanyeshuri bashya bafite amahirwe yo guhitamo mu mashami atandukanye atangwa n’ishuri, arimo Electronic & Telecommunications, ishami ryibanda ku bumenyi n’ubushobozi bijyanye n’ikoranabuhanga rya electronics n’itumanaho. Hari kandi Automobile Technology, ishami rigenewe abifuza kwiga ibijyanye n’imodoka, uburyo zikora, kuzisana no kubungabunga ikoranabuhanga rizikoresha. Ni amahitamo ashobora gufasha urubyiruko rufite inyota yo gukora mu bijyanye n’imodoka n’ubukanishi bugezweho. Ku bashishikajwe n’ingendo, kwakira ba mukerarugendo no kumenya serivisi zijyanye n’ubukerarugendo, Rubavu Technical College itanga n’ishami rya Tourism. Iri shami riha umunyeshuri ubumenyi bushobora kumufasha mu bikorwa bitandukanye bijyanye n’ubukerarugendo no kwakira abantu. Abakunda gutegura no gutanga serivisi z’ibiribwa n’ibinyobwa na bo bafite amahirwe yo kwiga Food and Beverage Operations, ishami ryibanda ku bumenyi bukenewe mu gutegura, gutanga no gucunga serivisi zijyanye n’ibiribwa n’ibinyobwa, cyane cyane mu rwego rwo kwakira abantu n’ubukerarugendo. Ku bantu bashaka amasomo magufi abafasha kwihutira kubona ubumenyi bwihariye cyangwa kongera ubushobozi bafite, ishuri rifite na Short Courses. Aya masomo atanga amahirwe ku bifuza kunguka ubumenyi mu gihe gito, bitewe n’icyo umuntu ashaka kwiga n’intego afite. Rubavu Technical College kandi ifite gahunda y’icyiciro rusange ( Ordinary Level) itanga amahirwe ku banyeshuri bashaka gukomeza amasomo yabo mu rwego rw’amashuri yisumbuye no gutangira urugendo rwabo rw’amashuri y’imyuga n’ubumenyi ngiro. Iyandikwa ry’abanyeshuri bashya ryatangiye, aho abifuza kwiga basabwa kwegera ishuri kugira ngo bahabwe amakuru arambuye ajyanye n’amashami, ibisabwa mu kwiyandikisha ndetse n’izindi gahunda zijyanye n’amasomo. Abanyeshuri barangije amashuri cyangwa abifuza guhindura icyerekezo cyabo bakiga umwuga bafite amahirwe yo guhitamo ishami rihuye n’impano zabo, ubushobozi bwabo n’intego bafite mu gihe kizaza. Kwiga ubumenyi ngiro bibafasha kugira ubumenyi bashobora gukoresha mu kazi cyangwa mu kwihangira imirimo. Ababyeyi na bo barasabwa gukomeza gutera inkunga abana babo mu guhitamo amasomo azabafasha kwitegura neza ejo hazaza. Guhitamo umwuga hakiri kare bishobora gufasha umunyeshuri kubaka ubumenyi n’ubushobozi azakenera mu buzima bw’akazi. Rubavu Technical College irahamagarira abanyeshuri bashya kutazuyaza, ahubwo bagakoresha aya mahirwe bakiyandikisha hakiri kare. Ku wifuza kumenya byinshi ku bijyanye n’iyandikwa, amashami atangwa n’ibisabwa, ashobora kugana ishuri aho riherereye ku Nyundo mu Karere ka Rubavu ahazwi nka Hoteleri, kugira ngo ahabwe amakuru arambuye. Kwandika abanyeshuri bashya byaratangiye. Ku rubyiruko rwifuza kwiga Electronic & Telecommunications, Automobile Technology, Tourism, Food and Beverage Operations, Short Courses ndetse na Ordinary Level, amahirwe yo gutangira urugendo rushya rw’ubumenyi n’umwuga ariho ubu. Rubavu Technical College iragutegereje. Hitamo ishami rihuye n’intego zawe, wige ubumenyi ngiro kandi wubake ejo hazaza hawe.